Litt fleire bilder frå pepperkakeutstillinga vår

Har du endo ikkje fått sett den flotte pepperkakeutstillinga vår?




Utedoen ved Fjelly




Vår eigen SPAR-butikk




Systrene Nilsen



Oljeplattform
(premie for mest kreative)

Location:Geilo,Kvinnherad,Norge

Julegodteri

Masse snadder i godterihyllene på butikken!

 

 

Namnam!

 

Kjekt å ha ei skål med sjokolade på bordet til deg sjølv eller andre & ei smakfull gåve å gje vekk :)

 

Risboller

Du treng:

250 gr. delfiafett

250 gr. melis

1 egg

1-2 ss. kakao

Litt sterk kaffi

Ett par dråpar romessens

100 gr. puffet ris

 

 

 

Slik gjer du:

Smelt delfiafett i vannbad, ha i melis og eit vispa egg.

Ha kakao, litt sterk kaffi og romessens. Bland inn ris til alt har fordelt seg utover risen.

Form boller med skje og sett dei på matpapir.

Avkjøl i kjøleskap.

 



Heimalaga karamellpudding

Knallgod dessert i jula....

 

Du treng:

2 dl. sukker til karamell

6 dl. mjelk

3 dl. kremfløyte

5 ss. sukker

1 vaniljestang eller vaniljesukker

8 egg

 

Slik gjer du:

Smelt 2 dl. sukker i ein kjele og rør godt til du får tjuktflytande karamell. Pass på så det ikkje brenner seg. Hell det over i ei brødform (ca. 1,5 liter) eller porsjonsformer.

 

Snitt opp vaniljestangen på midten og skrap ut frøa med ein kniv. Kok opp mjelk, fløyte, sukker og vaniljestangen + frøa.

Avkjøl!

 

Pisk egga lett saman og tilsett den avkjølte mjelkeblandinga mens du rører godt.

 

Sil blandinga opp i brødforma eller småformene. Sett formen/formene i ei djup langpanne og hell i vatn opp til 1/3 av forma/formene, steik i ovn ved 120 grader, i ca. 2 timar til karamellpuddingen er stiv.

Avkjøl!

 

Servèr med piska krem og karamellsaus :)

 

Karamellsaus:

200 gr. sukker

1/2 dl. vatn

 

Slik gjer du:

 

Ha sukker og vatn i ei rein panne.

Kok opp og la det koke i 7-8 minutt, til sause er gyllen. Ta den av varmen og tilsett 1 ss. kaldt vatn. Då slepp sausen øyeblikkeleg og den er klar.

 

Juletips! Ver forsiktig når du rører ingrediensane saman. Rører du for hardt, blir ikkje karamellpuddingen fin.

 

 

 

 

Mmmm.... Knallgodt!!

 

 



Pepperkakeutstilling

No er det kommen mange flotte og stilige bidrag til pepperkakeutstillinga vår!

 

Begge barnehagane har komme med flotte kunstverk.

Kjempe kjekt!

 

Dønhaug gardsbarnehage :)

 

Uskedalen barnehage avd. bamsebu :)

 

Siste frist er 17. desember for å delta.



Julegodteri - Sjokoladeboller med kokos

 

Av denne oppskrifta får du 30 små/20 store.

 

Du treng:

100 gr. romtemperert smør

1 ss. vaniljesukker

1 dl. sukker

2-3 ss. kakao

3 dl. havregryn

2-3 ss. kald espresso eller annan sterk kaffi

 

Slik gjer du:

Rør smør, vaniljesukker og sukker porøst og luftig.

Bland inn kakao, rør godt.

Tilsett havregryn og kaffe, sørg for at alt blir godt blanda.

Form små, runde boller av røren og rull dei i kokos.

La bollene avkjøles i kjøleskap minst ein halv time før servering.

 

 

Enkelt og godt!

 



Julegodteri - Fugde

 

Av denne oppskrifta får du 25 stk.

 

450 gr. sukker

3 dl. fløyte

50 gr. usalta smør

1,5 dl. heilmjelk

3 ss. vatn (eller smak som f.eks. brandy, kaffi....)

Dersom du ynskjer det kan fudgen tilsettast forskjellige smakar, f.eks. nøtter eller kakao.

 

Slik gjer du:

Ha sukker, fløyte, smør, mjelk og vatn (evt. smakstilsetning) i ein kjele med tjukk botn. Varm opp under svak varme.

Rør av og til.

Kok opp til kokepunktet og kok vidare til massen kan formes til ei kule i kaldt vatn.

Husk å røre av og til under koking slik at massen ikkje svir seg.

Dersom nøtter tilsettes: Trekk kjelen av plata og tilsett nøttene. Rør kraftig til massen tjukkner litt.

Til slutt helles massen i ei smurt form.

Forma settes kjølig til massen har stivna.

Når fugdemassen er heilt stivna, ta den ut av forma og del den i firkantar med ein skarp kniv.

 

Mmm....

 

Ha ein fin søndag!



Endeleg jul i Uskedalen

 

Les om julegrantenninga her



Solbærgløgg med svisker

 

 

Til 6 personar

 

1 liter solbærsaft (bland litt sterkare enn når du lagar saft)

4 ss. lønnesirup (evt. lys sirup)

2 små kanelstenger

1 ts. kardemomme

Skallet frå ei appelsin

4 ss. finhakka svisker (som er utbløtt i vatn i vatn i 15 min.)

4 ss. finhakka hasselnøtter

Smak til med så mykje rom du ynskjer (kan sløyfast!)

 

Slik gjer du:

Ha sterk solbærsaft, sirup, kanelstenger, kardemomme og appelsinskall i ein kjele.

 

Varm opp til kokepunktet og la det stå og trekke i 20 minutter (eller lenger).

Tilsett svisker og nøtter.

 



Husk på fuglane

Ein kjekk aktivitet for store og små.

 

Du treng:

Fuglefrø (villfuglblanding, solsikkefrø...) og Flott.

 

 

Finn fram det dåke har av tomme yoghurtbeger, mjelkekartonger, muffinsformer eller kakemennformer.

 

Fyll dei aktuelle formene med fuglefrø og legg ein trå nedi.

 

Deretter tømmer ein nedi smelta Flott-matfett og rører litt i formene slik at det blir fordelt.

 

Avslutt med å set det kjølig før ein heng det ut.

 

 

 

 



Ribbe

6-8 pers.

 

Du treng:

2 kg. familieribbe

3 ts. salt

1/2 ts. pepper

2 ss. frisk ingefær, finhakka

1 ts. anisfrø

1 ss. heil nellik

 

Slik gjer du:

1. Lag ruter i svoren: Skjer gjennom svoren og litt ned i spekket med ein skarp, spiss kniv.

Dersom du ruter opp parallelt med ribbebeina blir det lettare å skjere opp fine ribbebetar etter steiking.

Det er lettast å rute svoren når ribba er halvfrossen.

2. Gni ribba med krydder 1-3 dagar før steiking. Skrell og finhakk ingefær og støt anisfrø i ein morter. Gni salt og krydder inn i ribba, og stikk nellikspiker rundt om i kjøttet og svoren.

Pass på at krydderet kjem godt ned mellom svor og bein.
3. Dekk ribba med aluminiumsfolie og sett den kjølig.
Når du skal steike ribba, kan du gjerne gni den inn med væsken som har danna seg i botn av forma.
4. Legg ribba i langpanna med svoren opp. Putt ein asjett under, slik at ribba er litt høgare på midten.
5. Hell over ca. 2 dl. vatn og dekk langpanna med aluminiumsfolie.
6. Forvarm ovnen til 230 grader. Set langpanna midt i ovnen i ca. 45 minutter.
Då "blåser" ribba seg opp og svoren spriker.
7. Fjern folien (la asjetten ligge) og reduser temperaturen til 200 grader. Set panna tilbake midt i ovnen og la ribba steike vidare (ca. 1-1,5 time for tynnribbe, og ca. 2-2,5 time for familieribbe).
8. Ofte får ribba sprø svor av seg sjølv. Viss ikkje kan ein sette panna høgare i ovnen og auke temperaturen til 250 grader eller bruk grillen. Følg med så du ikkje brenn svoren.
9. La ribba kvile i ca. 20 minutt slik at kjøttsafta "set seg", og du får ei saftig og god ribbe.

Husk godt tilbehør!

Vekas tilbud

Vi anbefaler lutafisken frå Hjønnevåg

Til 6 pers.:

3 kg. lutafisk

3 ss. salt

200 gr. salt

 

Ertepurè:

5 dl. frosne erter

0,5 dl. utblandet kjøttbuljong

0,5 ts. salt

0,5 ts. pepper

2 ts. frisk timian

0,5 dl. fløyte.

 

Tilbehør:

Potet

Sennep

Brunost

Sirup

 

 

Slik gjer du:

1. Set ovnen på 200 grader.

2. Legg lutafisken med skinnsida ned i ei langpanne. Dryss på salt og dekk med aluminiumsfolie.

3. Bak lutafisken midt i ovnen til den er gjennomkokt, ca. 40 minutt.

4. Del bacon i små terninger og legg det i ei kald steikepanne. Steik på lav varme til det er gyllent, spøtt og fettet har steikt ut.

5. Lag ertepurè: Kok opp ertene i buljongen. Bruk ein stavmiksar og kjør til purè. Smak til med salt, pepper, timian og fløyte.

6. Servèr lutafisken med kokt potet, ertepurè, bacon, sennep, brunost og sirup :)

 

 



Julebrød

125 gr. smør

5 dl. heilmjelk

1 pk. gjer

125 gr. sukker

1 ts. malt kardemomme

650 gr. kveitemjøl

150 gr. rosiner

 

Slik gjer du:

1. Smelt smør og ha i mjelka. Rør gjæren ut i den lunkne blandinga.

2. Elt i mjøl blandet med sukker og kardemomme. Deigen skal vere blank og smidig, og den skal sleppe bollen.

3. Hev deigen under plast på ein lun stad til den er dobbelt så stor, i ca 40 min.

Sett steikeovnen på 175 grader. Finn fram ei steikeplate med bakepapir, alternativt to godt smurte brødformer som rommer ca. 2 liter kvar.

4. Legg deigen på bordet og del den i to. Fordel rosiner og eventuelt sukat, rull saman og elt til store runde bollar.

5. Trykk brøda godt ned på midten. Då sprekk dei ikkje så lett og får ein fin fasong. Set julebrøda til heving under plast på ein lun stad i ca. 30-40 minutt.

6. Visp saman egg & pensle kakene. Steik brøda nederst i ovnen i 30-40 minutt. Avkjøl på rist.

 

Servèr med smør og brunost på! Mmm......

 

 

Vi har òg ferdige julebrød frå Sunde Bakeri og Martens i butikken!

 



Ein god start er ein god smak...

BAMA har no gjennomført tidenes første og største familietest av grønnsaker.

Det skal meir til enn å koke opp vatn og helle oppi grønnsaker....

Det som er viktig, er at du lykkast første gongen, for å få barna til å ete grønnsaker neste gong.

 

 

BAMA gir deg dei beste tipsa for å lykkast med dette.

 

 

 

 

Resultata er samla i BAMAs nye app.

45 smakstesta tilberedingar, oppskrifter og steg-for-steg-filmar.

Målet er å gjere det enklare for deg å finne dei grønnsakene og tilberedingane du har aller størst sjanse til å lykkast med.

 

Sjekk ut BAMAs nye app eller gå inn på bama.no

 

 

 

HEIMELAGA MUSLI

I Matlyst, gratis magasin på butikken, finn ein mange kjekke, gode & enkle oppskrifter.

Vi anbefaler heimelaga musli til helga, sunn & god frukostblanding.

 

Av denne oppskrifta får du 2-3 glas med musli.

 

Du treng:

400 gr store havregryn

50 gr hakka mandlar

30 gr kokosmasse

1 ts kanel

50 gr pistasjnøtter/pinjekjerner/solsikkefrø

2 ss solsikkeolje

2 ss flytande honning

50 gr rosiner/tørka blåbær

100 gr blanda & tørka fruktblanding, mango, ananas.

 

Slik gjer du:

1. Ha havregryn, mandlar, kokosmasse, kanel & nøtter/frø på ei steikeplate.

2. Drypp over solsikkeolje og honning. Steik blandinga i 5-6 minutt på 200 grader.

Rør om av og til slik at du får ein smak av honning. Avkjøl.

3. Bland saman med resten av ingrediensane.

Oppbevar i ein lufttett boks :)

Kanskje du har ein tøff tenåring i huset som ynskjer å prøve seg på kjøkkenet?
Sjå video av tenåringskokken til SPAR som lagar heimelaga frukostblanding

 

Du finn alt du treng i butikken!

 

God helg :)

 



Gjengen på SPAR

Her er gjengen du møter på i butikken.

Kan tru vi har det kjekt i lag!

 

Hiv og hoy! :)

 

 

PEPPERKAKE UTSTILLING

Vi på SPAR Uskedalen lagar til pepperkake utstilling i desember og inviterar skuleklassar, barnehagebarn, kollegaer, klubbvenninner....... til å komme med bidrag.  

Det blir premiering for det mest kreative og det flottaste byggverket.

Kom igjen!  

 

Vi tek imot pepperkakehus frå 1. desember!

 

Gler oss!